за

Тест на средства за полирање

Време е за расчистување со зимата и со трагите што таа ни ги остава врз возилата. За повеќето вљубеници во своите возила, во редовното пролетно освежување спаѓа и полирање на лакот, за да се поврати неговиот сјај и да се заштити од влијанијата во топлото годишно време. Производите за полирање ветуваат многу, но колку од тоа навистина исполнуваат?

Авто Клуб Европа спореди осум актуелни производи за полирање на лакот. На тестот победи A1 Speed Polish од Dr. Wack, за нијанса подобар од исто така одличното средство Auto Politur од Sonax. Препорака заслужија и политурата за сјај на Liqui Moly, политураа за лак од Caramba и политурата за ултра висок сјај од Armor All. Условна препорака, односно препорака за користење во одредени услови добија W5 carcare Auto-Politur од трговскиот ланец Lidl, како и Sonax Xtreme Polish & Wax 3 Hybrid NPT и Nigrin Performance Brillant-Politur Turbo.

Полирањето не мора да е мачна работа - ако средството е квалитетно
Полирањето не мора да е мачна работа – ако средството е квалитетно

Производите се тестираа на Golf од втората генерација, со црвен каросериски лак. Обработката на лакот се вршеше рачно. Во поглед на практичните својства се оценуваа нанесувањето, размачкувањето и отстранувањето на средството за полирање. Се бара ракувањето со средството да биде лесно, без премногу напор и доволно брзо, без остатоци од средството врз лакот. Поквалитетните средства освоија многу бодови во ова поглавје.

Дејството на средствата за полирање се оценува според шест критериуми. Под длабочина на сјајот се подразбира прецизноста со која што околината се рефлектира од лакот. Од квалитетните политури се очекуваат впечатливо освежување на бојата и рамномерност на површините, без линии и дамки.

За мерење на степените на сјајност и на заматеност на лакот по примената на восочните политури се користи специјален оптички уред. Под степен на сјајност се подразбира интензитетот со кој што лакот го рефлектира светлечкиот зрак кој паѓа врз него, додека под заматеност се подразбира дифузното светло што се распрскува околу главната рефлексија. Колку е помало распрскувањето на светлото, толку е подобра политурата. Хидрофобното дејство на политурите се покажува преку истекувањето на водата што се прска врз обработената површина и претставува меродавењн показател за тоа колку политурата го заштитува лакот од атмосферските влијанија.

[box type=”success” align=”alignleft” ]Најскапиот производ на тестот, A1 Speed Polish, се покажа најефикасен. Од друга страна се покажа и тоа дека рачното полирање не е најдоброто решение. Ако работата им се препушти на професионалци, полирањето на лакот ќе чини повеќе од едно пакување политура, но со машинска помош се постигнуваат многу побрилијантни резултати.[/box]

Резултатите од тестот

Марка Armor All Caramba Lidl Liqui Moly
Производ Политура за ултра висок сјај Политура за лак W5 carcare Политура за сјај
Содржина 500 ml 500 ml 375 ml 600 ml
Примена 30 22 23 18 23
Нанесување/Ракување 10 6 6 5 6
Отстранување 20 16 17 13 17
Дејство 60 31 30 29 30
Длабински сјај 10 5 5 5 5
Освежување на лакот 10 4 4 4 4
Рамномерност 10 5 5 5 6
Сјајност 10 7 5 7 6
Заматеност 10 6 6 5 5
Одбивање вода 10 4 5 3 4
Цена 10 7 8 10 9
Вкупно бодови 100  60 61 57 62 
Крајна оцена се препорачува се препорачува условно се препорачува се препорачува

 

Марка Nigrin Sonax Sonax Dr. Wack
Производ Performance Brilliant Авто политура Xtreme Polish & Wax 3 Hybrid NPT A1 Speed Polish
Содржина 300 ml 500 ml 500 ml 500 ml
Примена 30 19 26 22 25
Нанесување/Ракување 10 6 8 8 8
Отстранување 20 13 18 14 17
Дејство 60 27 31 29 40
Длабински сјај 10 4 5 5 8
Освежување на лакот 10 4 4 4 8
Рамномерност 10 4 7 6 8
Сјајност 10 6 5 5 7
Заматеност 10 4 5 5 4
Одбивање вода 10 5 5 4 5
Цена 10 5 7 5 4
Вкупно бодови 100  51 64 56 69 
Крајна оцена условно се препорачува се препорачува условно се препорачува особено се препорачува
ПОБЕДНИК НА ТЕСТОТ!
 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Hyundai што се мести за трка со Porsche

Неуморна страст