за

Теренецот нa Bentley доаѓа во 2016 година

Пред две години Британците најавија дека планираат да воведат теренец во понудата со студијата EXP 9 F, пазарот реагираше позитивно, возилото ќе почне да се продава од 2016 година.

Шефовите решија, Bentley ќе вклучи теренски модел во понудата, и тоа најдобриот што може да се замисли. Според раководството на фирмата што е во сопственост на Volkswagen, решението е донесено како резултат на позитивната реакција на купувачите. Теренскиот модел на Bentley ќе почне да се произведува во погоните во Кру во 2016 година, а специјално за неговото производство ќе се отворат 1.000 нови работни места.

72402bm_2

Исто како останатите модели од понудата, спортскиот теренец ќе биде типичен Bentley, односно ќе постави нови стандарди во поглед на луксузот и моќноста. Студијата Exp 9 F од салонот во Женева во 2012 година покажа што може да се очекува од новиот модел на Bentley. Во автомобилот работеше дванаесетцилиндарец во W со двојоно турбонатполнење и 610 КС. Покрај моторот W12, Bentley ќе го вградува и новиот четирилитарски V8 со двојно натполнење, а ќе се нуди и изведба со хибриден погон.

Најголеми пазари за теренскиот Bentley ќе бидат Блискиот Исток, Русија и регионот околу Голфскиот Залив, но и САД. Цената на моделот ќе изнесува околу 200.000 евра.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Новата Honda Accord стартуваше со продажба во Јапонија

9-степен автоматски менувач за класата Е на Mercedes