Дарко Јаконов
Toyota е кралица на хибридниот погон и нема што повеќе да докажува – освен можеби иден сериски модел со хибридната технологија од болидите што се тркаат за марката?
Јапонците најавија дека на салонот во Франкфурт ќе го претстават концептниот автомобил Hybrid-R со хибридна технологија што марката ја користи на тркачките патеки. Конструиран врз техничка платформа од модел од актуелната понуда на Toyota, Hybrid-R поседува моќен бензински мотор, кој добива поддршка од четири електромотори. Системската моќност на хибридниот погон изнесува преку 400 КС, што е вредност мошне блиска со хибридниот тркач TS030. Погонот може да работи во два режима, односно за тркачка патека и за секојдневие, според потребите и желбите на возачот.
