Повеќе од 30.000 примероци од Mercedes CLS продадени во САД мора да ги посетат сервисните работилници на марката заради отстранување на безбедносниот дефект со осветлувањето на возилото.
Диодните задни светла на Mercedes CLS ги доведуваат сопствениците во опасност. Диодните светилки може да откажат и возилото да не биде забележано од другите возила. Последица од тоа може да биде тежок судир. Отстранувањето на проблемот ќе се изврши преку вчитување на нов софтвер, за што Mercedes нема да ги наплати трошоците. Големиот сервисен повик се однесува на возила произведени во перидот меѓу 2012 и 2015 година.
