Компанијата Vuhl Automotive во март го изненади светот со најавата за нова марка на суперспортски автомобили. Сега се на ред фотографиите од тестирањето на возилото.
На Фестивалот на брзината во Гудвуд, кој почнува на 11-ти јули, светот на четири тркала за прв пат ќе го види во живо автомобилот на новата суперспортска марка. Vuhl 05, како што засега гласи името на моделот, ќе поседува каросерија произведена во Канада, а завршната монтажа на возилото ќе биде доверена на фирмата Adman Leku во Мексико Сити.
Vuhl е кратенка од Vehicles of Ultra High-performance and Lightweight, односно супербрзи и лесни возила, и идеен проект е на браќата Икер и Жулиермо Ешеверија, кои што воедно се и дизајнери на суперавтомобилот. Тие ја имаат наследено страста кон автомобилите од нивниот татко, Жулиермо Ешеверија сениор, кој повеќе од 30 години конструира тркачлки болиди и се натпреварува со нив. Проектот е подржан од неколку моќни компании и од мексиканската влада, со компоненти за возилото кои потекнуваат од Ford, Multimatic и Michelin.
