за

„Петмилиметарскиот“ Oppo стартува со продажба

Со дебелината од 5 милиметри, R5 се вбројува меѓу најтенките паметни телефони

Кинескиот производител Oppo почна да ги прима нарачките за екстремно тенкиот паметен телефон со Android, а испораките ќе стартуваат веќе месецов.

Кинескиот производител Oppo прима нарачки за паметниот телефон R5 и веќе во текот на овој месец ќе започне со испораката. R5 има дебелина од само пет милиметри и со тоа се вбројува меѓу најтенките паметни телефони. Корисникот сепак треба да се откаже од SD-slot и од приклучок за слушалки. Во замена за последново, Oppo нуди адаптер за слушалки за приклучокот MicroUSB.

Oppo ги објави техничките податоци веќе во октомври (дисплеј AMOLED од 5,2 инчи и Full HD, 2 GB меморија, 16 GB Flash, LTE, 11n-WLAN, Snapdragon 615 на 1,5 GHz и осум јадра), а во меѓувреме на интернет страницата се објавени и податоците за камерата (главна камера со сензор BSI од Sony со 13 MP, видеа во 4K/Full HD со 30 Hz, 720p со 120 Hz; предна камера со 5 MP).

Батеријата се полни до 75 проценти за само половина час, но нејзиниот капацитет од 2000 mAh е релативно скромен во споредба со конкуренцијата. Oppo нуди како прибор надворешна батерија со приклучок за полнење преку MicroUSB и капацитет од 6000 mAh.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Кралскиот автомобил Seat Ibiza

Совети за студените денови: Зимска подготовка на автомобилот