Дарко Јаконов
Ловците на прототипи од магазинот auto motor und sport ги имаат првите фотографии од продолжената изведба на новата класа S. Гамата на големиот Mercedes ќе опфаќа дури шест различни моделски изведби.
Како што објавува германскиот магазин auto motor und sport, Mercedes ќе ја нуди новата класа S во шест различни верзии. Покрај лимузината и нејзината верзија со продолжено меѓуоскино растојание, гамата ќе опфаќа уште кабриолет и купе од класата S. Покрај тоа се планирани уште репрезентативна лимузина Pullmann и верзија со каросерија долга шест метри, како замена за Maybach.
[one_half]
[one_half_last]
Меѓу објавените фотографии од магазинот на екстра долгата верзија на класата S се наоѓаат и детали од внатрешноста, на кои што се забележува дека кокпитот во основата останува непроменет, но материјалите се значително поблагородни. Просторот одзади е резервиран за две фотелји на кои што патниците ќе можат да уживаат во сиот луксуз и комфор што денес може да го понуди марката со сребрената ѕвезда.
Како погон во шестметарската верзија на класата S ќе работи дванаесетцилиндарец во V со зафатнина од 5,5 литри и двојно турбонатполнење. Се планира и моторот V8 со 455 КС и комплетната погонска спрега на S500 Plug-in-Hybrid. Во поглед на цената, најрепрезентативната изведба на класата S ќе биде под нивото на Maybach.
