за

Оттука доаѓаат резервните делови за Skoda

Во Млада Болескава денес свечено е отворен новиот центар за резервни делови на Skoda. Чесите инвестираа 31,8 милиони евра во новиот центар, од каде што секојдневно ќе се испорачуваат до 25.000 оригинални делови и прибор низ целиот свет.

Халите со регали се високи 42 метри. За еден час се складираат и повлекуваат до 200 палети
Халите со регали се високи 42 метри. За еден час се складираат и повлекуваат до 200 палети

Центарот за резервни делови на Skoda е еден од трите централни магазини на концернот Volkswagen во Европа. Во процесот на модернизација, површината на централниот магацин се зголеми двојно, од 50.000 на повеќе од 100.000 метри квадратни. Тоа е површина на околу 12 фудбалски игралишта. Во единаесетте сегменти со регали во магацинот висок 42 метри собира 30.000 палети. Складирањето и повлекувањето на резервните делови и прибор е целосно автоматизирано и механизирано. За еден час може да се складираат и повлечат повеќе до 200 палети.

Персоналот кој брои 500 лица работи 24 часови на ден. Секојдневно се испорачуваат 9.500 пакети во повеќе од 100 земји. Испораката на домашниот пазар е веднаш во следното утро, додека за испорака во европските земји се потребни најмногу 24 часови.

 

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Норвешка е кралство на погонот на струја

И Амбасадорот на САД на презентација на Trax во Задар