Дарко Јаконов
На „Автомобилската недела“ во Монтереј, еден од најпрестижните салони во светот, француската марка ја стартуваше ексклузивната серија „Легендите на Bugatti“
На Пебл Бич овој викенд доживува премиера првата од шестте автомобилски легенди на Bugatti, која што ќе го носи името на Жан Пјер Вимил. Исто како и петте серии што следуваат, оваа ќе биде изработена во само три примероци. Со овој автомобил Bugatti му оддава чест на фабричкиот возач од почетоците на марката, кој што во 1937 година ја постигна првата победа на 24-часа Леман, за истиот успех да го повтори две години подоцна. Основата за ексклузивната серија е Bugatti Veyron 16.4 Grand Sport Vitesse, кој носи неколку обележја на победничкиот болид на Вимил од 1937 година, моделот Bugatti 57G.
