Дарко Јаконов
Специјалистот Schaeffler го претстави развојното возило со погон на струја E-Wheel Drive vor. Возилото е базирано на Ford Fiesta и се движи со моќта на двата електромотора што се вградени во задните тркала. Целиот погонски агрегат, односно електромоторот, електрониката и контролерот, сопирачките и ладењето, е сместен во самиот бандаж.
Секој електромотор има моќност од 40 киловати, односно трајна моќност од 33 киловати, што вкупно дава 66 киловати, односно 90 КС. Импресивен е вртежниот момент од 700 њутнметри. Со вкупна тежина на погонот и тркалото од 53 килограми, решението на Schaeffler е за 45 килограми потешко од конвенционални тркала со сопирачки и со лежиштата. Волуменот на интегрираниот погон од 16 литри е доволно компактен да се смести во бандаж од 16 инчи.
