Дарко Јаконов
На салонот во Брисел во јануари ќе биде прикажана новата Meriva. Изгледот на малечкиот ван го следи стилот на Insignia. Повеќе новитети има под хаубата.
Новата Opel Meriva ќе доживее светска премиера на салонот во Брисел, кој ќе ги отвори вратите на 16-ти јануари догодина. Семејниот ван настапува со ново лице во стил на штотуку претставената Insignia. Од топ моделот се преземени благородната хромирана ламела во маската и предните светла, со светлечки диоди за предните светла. Назад исто така светкаат диоди, а хромираната лајсна острана ја облагородува линијата на ванот.
Под хаубата работи новиот 1.6 CDTI, кој досега се вградуваше во големиот брат Zafira Tourer. Тивкиот дизел на почетокот е достапен во посилната верзија со 136 КС и 320 њутнметри. Просечната потрошувачка на гориво изнесува 4,4 литри на сто километри, што е десет проценти помалку од претходниот 1,7-литарец со 130 КС. Подоцна ќе следуваат и верзии со помала силина. Покрај дизелот, сите бензински мотори ја исполнуваат нормата Euro-6.
Продажните цени ќе бидат објавени откако Opel ќе стартува со нарачките за новиот ван во следниот месец, а првите возила на европскиот пазар ќе им бидат испорачани на сопствениците кој крајот на јануари.
