за

Наследникот на Lamborghini Gallardo ќе дебитира во Франкфурт

Gallardo веќе десет години е на пазарот и полека доаѓа време за наследникот. Италијанците ќе го прикажат изгледот на идниот Cabrera со концептниот автомобил на салонот во Франкфурт.

Со примена на носечка рамка од алуминиум и карбон тежината на наследникот ќе се намали драстично од 1.500-те килограми на сегашниот модел. Каросеријата исто така ќе биде изработена во комбинација од алуминиум и карбон. Компонентите од италијанскиот суперавтомобил ќе се користат и за новата генерација на Audi R8.

Обата модела на концернот Volkswagen и натаму ќе се разликуваат во меѓуоскиното растојание. Lamborghini ќе има незначително поголемо меѓуоскино растојание, додека кај Audi ќе има уште повеќе растојание меѓу оските. На тој начин германскиот модел ќе добие поголема практичност за секојдневието, а Lamborghini ќе остане беспрекорен спортист.

За погонот ќе се користи преработена верзија на 5,2-литарскиот V10 од актуелниот модел, со 600 КС и со вртежен момент од 400 њутнметри. Силата од моторот ќе се пренесува на сите тркала преку шестстепен мануелен менувач, а како алтернатива ќе се нуди менувач со двојна спојка, како замена за автоматскиот менувач кај актиелниот модел. Повеќе нејаснотии остануваат околу името. Во игра е Cabrera, кое верно на традицијата на марката е преземено од славен шпански бик за борба.

Во Франкфурт Италијанците ќе го покажат концептниот модел како најава за идниот Cabrera
Во Франкфурт Италијанците ќе го покажат концептниот модел како најава за идниот Cabrera

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Како да не знаевме: Мажите гинат повеќе од жените

Деловите за BMW доцнат поради новиот софтвер