за

Македонска премиера на Porsche Macan на модната недела во Скопје

Порше Македонија го претстави компактниот теренец Porsche Macan во рамките на деветтото издание на модната недела, коешто по традиција се одржуваше и во нивните салони.

Првиот компактен теренец на Porsche со дизајнот и надмоќниот изглед го привлече вниманието на сите присутни љубители на модата и дизајнот. За време на модната недела, прекрасниот нов Porsche Macan можеше да се види и во друштво на многу познати луѓе од модниот свет.

Брендот Porsche е светски лидер кој го движи напред дизајнот во автомобилската индустрија. Porsche е секогаш посакуван на сите модни случувања, а неговото присуство го зголемува значењето и им дава дополнителна вредност на манифестациите од овој тип.

Три моделски изведби на Macan ја сочинуваат понудата. Прв е Macan S со трилитарски V6 со два турбо полнача и 340 КС (250 kW), во комбинација со активен погон на сите тркала и електронски контролирана мулти спојка. Погонот на сите тркала го поседуваат сите модели, исто како и седумбрзинскиоо автоматски менувач. Возилото забрзува до 100 km/h за 5,4 секунди, односно 5,2 секунди со опционалниот пакет Sport Chrono. Максималната брзина е 254 km/h, а потрошувачката на гориво изнесува 9,0 литри на 100 km.

Macan S Diesel е најекономичниот крстосувач на долги патеки во гамата. Со трилитарскиот V6 турбодизел со 258 КС, потрошувачката на гориво изнесува 6.3 литри/100 km. Забрзувањето до 100 km трае 6,3 секунди, а максималната брзина изнесува 230 km/h.

Најмоќниот модел во семејството е Macan Turbo, кој е воедно и најмоќен модел во понудата на компактни теренци на пазарот. Со 3,6-литарски V6 битурбо, овој Porsche модел има 400 КС (294 kW), а забрзува до 100 km/h за 4,8 секунди. Максималната брзина е 266 km/h, додека потрошувачката на гориво изнесува 9,2 литри на 100 km.

Базиран на платформата од Audi Q5, компактниот теренец на Porsche е долг 4,7 метри, широк 1,93 и висок 1,63 метри, со што е за петнаесетина сантиметри покус и осум сантиметри понизок од втората генерација на Cayenne.

Опремата e стандардно богатa, со мултифункциски спортски волан со команди за менувач, алуминиумски бандажи, електромотор за ракување со задниот капак и квалитетен аудио систем. Листата на дополнителна опрема е импресивна, вклучувајќи воздушна амортизација, како единствена понуда во сегментот.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена. Задолжителните полиња се означени со *

Премиера на лимузинскиот Ford Focus на салонот во Њујорк

Новиот теренец Lexus NX сече со остриот дизајн