за

Купувачи на автомобили најдобро се привлекуваат со скара!

Германците немаат проблеми да привлечат купувачи во своите авто салони, затоа што знаат што е неопходно за тоа. Скара! Opel трета година го организира настанот во целата држава.

Во минатата недела цела Германија мирисаше на скара. Дилерите на Opel по трет пат го организираа големиот зимски настан на кој што присуствуваа стотици илјади потенцијални купувачи и ентузијасти, во неодолива можност да ги запознаат новите модели на марката во друштво со колбас и стек на скара.

Шефот Нојман на лице место во чест на големиот настан во целата дилерска мрежа на Opel во Германија
Шефот Нојман на лице место во чест на големиот настан во целата дилерска мрежа на Opel во Германија

„Големото печење на скара во Opel прерасна во задолжителен датум во календарот, на што ни укажува огромниот наплив од посетители“, се радува Др. Карл Томас Нојман. Секако дека и шефот на марката не ја пропушти можноста да ги вкуси специјалитетите на скара и да ужива во атмосферата во авто салоните на Opel.

Opel-289925-medium

Што се однесува до автомобилските новитети во салоните, и тие не недостигаа. Најсвежи модели се фејслифтот на Opel Meriva, комбито за авантуристи Insignia Country Tourer, автомобилот што го надополнува паметниот телефон на младите Opel Adam и специјалната серија модели Energy во гамата на Astra и Corsa.

Opel-289927-medium

Дополнителен магнет за публиката беше наградната игра, со главни добивки ВИП-карта за фудбалското дерби меѓу Дортмунд и Шалке 04, присуство на рели-купот со Adam или на финалето на изборот на „Топ модел на Германија“.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Десетте најпродавани автомобили во Кина

Возачки почетник фатен со папагал како придружба за возење