Дарко Јаконов
Следната година Jaguar ќе го пушти во продажба купето од F-Type. Моментно се во тек завршните тестирања, кои британскиот благородник ги врши на патеката Нирбургринг.
Исто како родстерот, чија што европска продажба стартува летово, изгледот на купето се води според студијата C-X16 од салонот во Франкфурт од пред две години. Изгледот на носот, на опашот, исто како и страничната силуета на возилото останаа непроменети, мали разлики од студискиот автомобил се препознаваат само во бандажите, во ретровизорите и во браниците.
Под хаубата на возилото долго 4,47 метри и високо 1,3 метар работат истите мотори од родстерот. Покрај трилитарскиот V6 со 340 КС во обичната и 380 КС во верзијата S, купувачите ќе можат да изберат и петлитарски V8 со компресорско натполнење и 495 КС. Долниот дел од понудата ќе го пополни дволитарски бензинец со турбонатполнење и 240 КС, кој се вградува во новиот Range Rover Evoque.
Сите мотори се комбинирани со осумстепен автоматски менувач со можност за мануелно ракување со степените и со систем старт стоп. Се слушаат гласини за верзија R-S со моќност од дури 700 КС, која што во погонот ќе се повика на техниката од студијата со погон со гасна турбина C-X75.
