Кои автомобили најмногу ги возат Американците?

Америка отсекогаш се разликувала од останатиот свет и по автомобилите што се возат. Најпродаваниот модел во минатата година е пикап – веќе три децении истиот модел.

На пазарот на патнички автомобили во Соединетите Американски Држави во минатата година се продадоа вкупно 15,6 милиони возила, што е повеќе отколку во сите европски држави заедно. Државата е голема и народот е голем, со различни барања и потреби во големите метрополи и широките пространства, па оттаму произлегуваат и огромните разлики во возниот парк во споредба со европскиот.

Најпродаван модел во минатата година, исто како и во 32-те години претходно е пикапот од серијата F на Ford, со повеќе од 760.000 примероци. Зад него е Chevrolet Silverado, секако и тој пикап, со бројка од 480.000 примероци. Дури на третото место следува класична лимузина, но и тука следува изненадување. Третопласираниот модел не доаѓа од домашните марки, туку од веќе одамна одомаќената јапонска марка Toyota. Потоа следуваат двата модела на Honda, големиот Accord на четвртото место и компактот Civic на шестото место, меѓу кои се наоѓа Dodge Ram – не е изненадување, и тој е пикап. Десетката од најпродавани модели ја комплетираат Nissan Altima, Honda CR-V, Toyota Corolla и Ford Escape, последниов познат кај нас како Kuga.

25 најпродавани модели во САД во 2013 година