Благородната британска марка се грижи нејзините клиенти во секое време да се чувствуваат возвишено. Bentley креираше колекција од домашен мебел, врвен и кралски, какви што се и неговите автомобили.
Како што возилата на Bentley оставаат посебен печат со изработката и со материјалите, така и мебелот од Bentley Home collection се разликува од тоа што обичните смртници го подразбираат под мебел. Ексклузивната колекција ги спојува елементите на традиционалниот и модерниот дизајн, нуди врвна функционалност и комфор, и ги предизвикува сите сетила со чувството на квалитет.
За цената не се зборува кога е во прашање Bentley. Во секој случај, мебелот е поскап од сé што досега се нудело на пазарот, но за утеха, сé уште е поевтин од автомобилите на марката. Парче мебел може да биде и мошне корисно, ако за ништо друго, тогаш барем за соништата за Bentley да бидат пореални во кревет со знакот на Bentley.
Гарнитури за седење Richmond
Трпезариски маси Madeley & Kendal
Комоди Sherbourne & Kingsbridge
Кафе маса Harlow
Кревет Canterbury
