Загадениот воздух ќе усмрти 210.000 лица во 2030 година

Доколку не се преземат мери за воведување на Euro 6 на глобално ниво, во 2030 година од предвремена смрт поради загадениот воздух би умирале 70 проценти повеќе луѓе во светот.

Регулативата за унапредување на технологијата во Соединетите Американски Држави, Европската Унија и Јапонија резултираа во високо ефикасна контрола на емисијата на возилата. Напредната технологија за пречистување на издувните гасови, во комбинација со модификација на моторите и дизелско гориво со ултраниска содржина на сулфур (помалку од 10 честички сулфур на милион), може да ја намали емисијата на честички за 99 проценти во споредба со моторите што не ја поседуваат истата.

Стандардите на ЕУ и подеднакво строгите стандарди во САД, Канада и Јапонија, бараат сите новопродадени возила да ја поседуваат оваа технологија. Во земјите што ги имаат воведено строгите стандарди, влијанието на емисијата од возилата врз здравјето се очекува да се намали до 2030 година, исто како и емисијата на краткотрајните загадувачи на животната средина, меѓу кои се и честичките чад.

Најчитано

Новите модели на Fiat ќе имаат кокпит како тркачка патека

Голем број земји во светот ја усвоија политиката на европската регулатива, но не и стандардот Euro 6/VI, последното и најстрого ниво на регулирање. Според студијата што ја објавува Меѓународниот совет за чист транспорт, доколку не се променат тековните трендови во регулирањето на сообраќајот, бројот на случаи на предвремена смрт од емисијата на честички ПМ2,5 од возилата ќе се зголеми за 70 проценти до 2030 година. Наспроти тоа, доколку сите земји го следат забрзаниот план за регулирање на емисијата од возилата и ги воведат стандардите Euro 6/VI, заедно со лимитирање на содржината на сулфур на 10 до 15 честички на милион, предвремената смрт ќе се намали за 75 проценти до 2030 година, односно ќе се постигне кумулативно зголемување на животното доба за 25 години.

За земјите кои сé уште се далеку од постигнување на стандарди еквивалентни на Euro 6/VI, воведувањето на Euro 4/IV и горива со 50 ppm сулфур ќе придонесе за задоволително подобрување на климатскиот импакт на емисијата од сообраќајот.

Колку Македонија треба да биде загрижена?

Според последните мерења, Министерството ги објавува следните податоци за емисијата на честички PM10:

Надминувања до: 05-11-2013 00:00

Според овие резултати, Македонија е на исто рамниште со земјите од најнеразвиените региони на Средниот Исток и во Азискиот-Пацифик. Актуелно, во Македонија се почитува стандардот Euro 3 од 2000 година.

Што друго открива студијата на Меѓународниот совет за чист транспорт?

• 50 проценти од емисијата од возила во урбаните средини и од штетните последици врз здравјето се во регионите на кои што отпаѓаат само 15 проценти од глобалниот сообраќај, како што се Средниот Исток, Африка и Азиско-Пацифичкиот регион.
• Камионите и автобусите со дизелски мотор, особено оние со минимална контрола на емисијата, предизвикуваат повеќе од 80 проценти од глобалната емисија на ситни честички и азотни оксиди од патниот сообраќај.
• Забрзаното усвојување на најстроги стандарди за горива и возила во земјите што моментно не го подржуваат стандардот Euro 6/VI или американската регулатива Tier 3, ќе спречи 210.000 случаи на предвремена смрт во 2030 година.
• Забрзаното воведување на строгите стандарди за емисија само во Кина и Индија би спречило 90.000 случаи на предвремена смрт во 2030 година, односно половина од глобалното ниво.

Сценарио на здравствениот бенефит од забрзаното воведување на строгите стандарди за издувни гасови од возилата

Број на спречени случаи на предвремена смрт со воведувањето на Euro 6/VI