Дарко Јаконов
Европската Унија поднесе тужба против Русија пред Судот на Светската трговска организација поради воведувањето на посебна акциза за возила од увоз.
За прв пат од приемот во Светската трговска организација, Русија се соочува со тужба од Европската Унија. Проблемот е во воведувањето на специјална давачка која што има цел да го заштити сопственото производство на автомобили во земјата. ЕУ денес ја поднесе тужбата поради дополнително даночно оптоварување на потрошувачите пред Судот на СТО.
Европските производители се чувствуваат загрозени од воведувањето на новата давачка. Основната стапка по возило изнесува 20.000 рубљи, односно околу 500 евра. Домашните производители се ослободени од давачката. По критиката на ЕУ, Русија предложи за домашните производители исто така да важи дополнителната такса. Од приемот во СТО во минатата година, Русија постојано се конфронтира со забелешки дека не се придржува кон правилата на организацијата.
