Дарко Јаконов
Скандинавците дефинитивно се решени да се откажат од нафтата. Nissan Leaf е најпродаван модел во Норвешка и во октомври.
Најпродаваниот електричен автомобил на светот за прв пат се искачи на првото место на продажбата на возила во Норвешка. Во минатиот месец, Nissan Leaf се продаде повеќе од кој било модел со мотор со внатрешно согорување, хибриден или електричен погон и постигна учество на пазарот со 6 проценти. За десетте месеци од 2013, Leaf е четврти најпродаван модел на норвешкиот пазар, кој постепено прераснува во најважен пазар за електрични возила на глобално ниво. Продажбата порасна особено по стартот на втората генерација на електричниот модел на Nissan во средината од оваа година.
Норвешка ги ослободува електричните автомобили од ДДВ, од патарина, дозволува тие да ја користат лентата за јавниот сообраќај за побрзо пробивање низ градскиот метеж и овозможува бесплатно паркирање.
Продажба на возила во Норвешка за октомври 2013
| Место | Модел | Продажба | Учество во % |
| 1 | Nissan LEAF | 716 | 5.6 |
| 2 | Toyota Auris | 679 | 5.3 |
| 3 | Volkswagen Golf | 646 | 5.0 |
| 4 | Skoda Octavia | 540 | 4.2 |
| 5 | Toyota Yaris | 446 | 3.5 |
| 6 | Volvo V40 | 319 | 2.5 |
| 7 | Toyota RAV-4 | 300 | 2.3 |
| 8 | Mazda CX-5 | 299 | 2.3 |
| 9 | Volvo V70 | 291 | 2.3 |
| 10 | Suzuki SX4 | 277 | 2.1 |
Продажба на возила во Норвешка од јануари до октомври 2013
| Место | Модел | Продажба | Учество во % | |
| 1 | Volkswagen Golf | 6239 | 5.3 | |
| 2 | Toyota Auris | 3982 | 3.4 | |
| 3 | Mazda CX-5 | 3950 | 3.3 | |
| 4 | Nissan LEAF | 3755 | 3.2 | |
| 5 | Toyota Yaris | 3656 | 3.1 | |
