за

Градски автобуси во Јужна Кореја возат на струја

Во градот Гуми започна тестирање на автобуси на струја, чии што батерии се полнат при возењето преку индуција. Ако проектот успее, автобусите ќе станат дел од секојдневието веќе во 2015 година.

Двата градски автобуса секојдневно ја совладуваат релацијата од 24 километри низ јужнокорејскиот Гуми. Струјата од индукциските намотки вградени во асфалтот се пренесува по пат на индуција до батериите на автобусот, на растојание од 17 сантиметри меѓу подот на возилото и патот. Огромна предност на користената технологија е тоа што индукциските намотки не мора да се поставуваат по целата релација што ја совладуваат автобусите, туку само на пет до 15 проценти од должината. Ефикасноста на преносот на енергијата изнесува 85 проценти, што значи дека само 15 проценти од вкупната енергија се губат при индукцискиот процес. Доколку тестирањето заврши без проблеми, автобусите во градот ќе се префрлат на новата технологија веќе во 2015 година.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Mazda ќе произведува и мотори во Мексико

Ford Transit научи да плови со тимот на Top Gear