Во првото полугодие германските марки продадоа 1,7 милион автомобили во Кина, додека нивната продажба во 27-те земји на ЕУ во истиот период достигна 1,9 милион.
Според експертите, до 2015 година германските марки ќе продаваат на кинескиот пазар повеќе автомобили отколку на матичните пазари во Европа. Според тоа, натамошниот успех на автомобилската нација е предодреден од продажбата на кинескиот пазар. Најголем удел во продажбата во големата азиска земја има Volkswagen. Марката од Волфсбург постигнува дури 40,2 проценти од својата продажба во големата азиска земја. Mercedes, пак, продава најмалку возила од својата продукција во Кина, само 14,3 проценти. Меѓу овие две марки се позиционираат BMW/Mini, Porsche и Audi. Моментно САД се најголем пазар на автомобили во светот, а веднаш по нив е Кина.
Претпоставките на некои експерти дека борбата за освојување на кинескиот пазар ќе влијае врз конципирањето на автомобилите на германските марки се далеку од основани. Кинезите ги купуваат германските автомобили затоа што ги ценат како такви.