Турскиот клуб Галатасарај Истанбул вечерва ќе се најде пред еден од најголемите предизвици во својата историја. Во четвртфиналниот натпревар во Лигата на шампиони, клубот ќе игра против Реал Мадрид. Влезот во четвртина финалето за Галатасарај е продолжение на успешната традиција. Со освоени 18 национални шампионати и 14 купови, Галатасарај е најуспешен и најпопуларен фудбалски клуб во Турција. Тоа е доволна причина за Opel да склучи договор со врвниот клуб.
Претседателот на клубот, Унал Ајшал и главниот менаџер на Opel во Турција, Ошчан Кеклик, потпишаа спогодба со која што турскиот клуб стана тим на Opel. Покрај тоа што ќе ги покрива потребите на тимот со автомобили, Opel ќе спроведува и обемни рекламни активности со Галатасарај. На интернационално ниво, Opel е во партнерство и со холандскиот клуб Фејнорд Ротердам.
