за

Британија инвестира милијарда фунти во штедливи мотори

Дваесет и седум водечки претпријатија од автомобилската бранша и британската влада во следните 10 години ќе инвестираат една милијарда фунти, односно околу 1,15 милијарда евра во заеднички центар за развој и комерцијализација на еколошки погонски технологии.

Британската влада трајно ќе обезбеди 30.000 работни места со основањето на Центарот за напреден погон, скратено APC, со цел да ја ограничи зависноста од финансиската бранша. „Производителите на автомобили во Велика Британија во последно време стануваа сé поуспешни, со инвестиции вредни повеќе милијарди фунти и со нови работни места“, изјави министерот за претприемништво, иновација и квалификации Винс Кејбл.

Следните генерации на возила со радикално променет погонски концепт ќе придонесат за натамошно поттикнување на овој позитивен тренд во Велика Британија, изјави министерот. Меѓу претпријатијата се вбројуваат BMW, Bosch, Ford, Nissan, Jaguar Land Rover, како и GKN и Caterpillar. Особено се ангажираат Tata и GKN, актуелни сопственици на Jaguar Land Rover, кои инвестираа по 500 милиони фунти во проектот. Во минатата година во Велика Британија се произведоа 1,58 милион возила, со што земјата се вбројува меѓу најголемите национални авто индустрии во Западна Европа.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Легендарната формула на Фанџо се продаде за 20 милиони евра

Сега и Bentley има 608 коњски сили за трка