за

Бесплатна „Петка“ на користење за сопствениците на BMW i3

Купувачите на електричниот автомобил BMW i3 ќе добијат бесплатно на неколкудневно користење лимузина од серијата 5 при потреба од патување на подолги релации.

Маркетиншкото одделение на BMW смисли генијален потег да ги заинтересира купувачите за новиот модел со погон на струја чија што продажба се очекува да стартува кон крајот на годинава. Освен во редовна продажба, автомобилот ќе биде достапен и како возило за привремено користење во мрежата Drive Now, која што моментно брои околу 130.000 корисници. Целна група на моделот со погон на батерии се возачите што се грижат за животната средина и трендсетерите.

Електромобилот на BMW е во завршно тестирање пред стартот кон крајот на годинава
Електромобилот на BMW е во завршно тестирање пред стартот кон крајот на годинава

BMW i3 ќе биде достапен во поевтина изведба, со погон само на струја и досег меѓу 130 и 160 километри, и во поскапа изведба, дополнително опремена со двоцилиндарски бензинец со 34 КС, кој служи како генератор и ги полни батериите. Кај вториот модел досегот се зголемува на 300 километри. Цената на најевтиниот модел ќе изнесува 37.000 евра, односно околу десетина проценти пониско од претходните најави. Продажбата на i3 ќе се одвива преку интернет, преку специјални i-продавници, како и преку i-агенти кои што ќе доаѓаат директно во домот.

Покрај електричниот погон, i3 поседува и лесна каросерија од карбон, што овозможува користење на помали батерии, од што поевтинува и возилото
Покрај електричниот погон, i3 поседува и лесна каросерија од карбон, што овозможува користење на помали батерии, од што поевтинува и возилото

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Колку издржуваат денешните автомобили?

Audi го стави наследникот на A4 на строга диета