за

Panther WaterCar · Автомобил и глисер во едно

Во летниве жеги, тешко дека постои подобар автомобил од Panther WaterCar – и подобар глисер. Ова е амфибија на четири тркала, автомобил на копно, глисер во вода.

Фирмата Fountain Valley Bodyworks почна да работи на нивниот автомобил што ќе се движи и по земја и по вода уште во 1999 година. По безброј часови минати во стегање завртки и потчукнувања со чекан, по долга низа успеси и уште подолга низа неуспеси и по 27 пријави на патент, трудот конечно се исплатеше. Panther WaterCar е готов за продажба!

db_3c18

Однадвор амбифијата потсеќа на Jeep, а под хаубата работи 3,7-литарски мотор од Honda, кој е задолжен на асфалт да обезбеди крајна брзина од околу 130 километри на час. Вистинската возбуда следува дури откако Panther без потреба од запирање и подготовка ќе се пушти директно во вода, по што следува ставање на менувачот во празен од, подигнување на тркалата со притискање на копче и вклучување на водомлазниот погон. Во тој случај се вози максимално со 70 километри на час.

db_3e18

Сите замисливи и незамисливи активности на вода се одобрени од страна на производителот, од скијање, тркање со јахта, рибарење, па дури и лов на патки. Вградените материјали се отпорни на корозија, што овозможува возилото да се користи и во солена вода. Во поглед на законските норми, WaterCar е опремен и со светла за возење по улица и со светла за навигација, така што може да се регистрира и како пловило и како автомобил. Во Калифорнија не е потребна посебна дозвола, таму секој може да управува со брод со должина до 15 стапки, односно нешто помалку од 5 метри.

db_01b18

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Вкусно и чисто: Достава на пица со Renault Twizy

Гинисов рекорд: Passat мина 48 држави во САД со 3 L/100 km