за

Авантура за 70-годишни пензионери: Светот е мал за Suzuki Jimny

Четворица пензионирани љубители на Suzuki Jimny ја обиколуваат планетава и собираат средства за нивната фондација „Рајот нека почека – зафатен сум“.

Експедицијата е идеја на пензионираниот бизнисмен Лесли Карвол и стартуваше во Саутхемптон, на католичкиот Велигден. Тимот седумдесетгодишници патува околу светот само со најнеопходните средства и без пратечки екипаж.

Двете Suzuki Jimny напредуваа одлично на последната секција во должина од околу 4.000 километри низ Монголија и потоа назад до Русија. Тимот планира да пристигне во Владивосток до крајот на мај, каде што автомобилите ќе се натоварат на брод и ќе почнат 30-дневно патување до Ванкувер, во Канада.

Иако се патува бавно и по најлошите патишта во светот, со дупки кои се длабоки и до едно стопало, се потврди издржливоста на малечкиот, но цврст теренец на Suzuki. Единствен дефект досега беше кршење на осовинка на амортизер.

Прогресот на тимот низ 16-те држави и по три континенти може да се следи на Google earth. Интернет страницата се освежува редовно со интервјуа и смешни видео клипови од авантурата.

Напишано од Дарко Јаконов

Објавува текстови за автомобилизам од 1994 година, дел од оригиналната постава на магазинот Ауто Плус на Томислав Биљарац, главен уредник на првото лиценцирано издание на Ауто Билд Македонија, член на жирито за избор на европски автомобил на годината Ауто 1 на групацијата магазини Ауто Билд, во 2013 година ја основа Аутомедиа.

Напишете коментар

Вашата адреса за е-пошта нема да биде објавена.

Специјален модел за 50-годишнината на McLaren

Chevrolet Spark на струја со сензационална цена во САД