Вториот најголем сегмент за премиум автомобили на европскиот пазар, регистрираше 383.615 продадени возила во првите седум месеци од 2026 година, постигнувајќи раст од 15,6 проценти во споредба со лани. Мерцедес-Бенц е вообичаено на врвот со својот ГЛЦ.
Единствено СУВ-моделите од компактната класа од премиум марки се продаваат повеќе од СУВ-моделите од една класа погоре, од средната класа. Но, додека помалите и подостапни СУВ имаат раст од само 2,5 проценти до јули, кај премиум СУВ-автомобилите од средната класа е постигнат раст од дури 15,6 проценти. Во споредба со периодот до јули лани, во 2026 година се продале 51.762 возила повеќе.
Прв е Мерцедес-Бенц ГЛЦ со 78.452 возила до јули, пред БМВ Икс 3 со 50.365 возила и Волво Икс Ц 60 со само 1.188 возила помалку. На четвртото место е електричниот БМВ и Икс 3, којшто котира високо поради тоа што продажбата штотуку започна и има голем број возила што се регистрирани на име на производителот и на дилерите.
Ауди иако се среќава првпат дури на 5-то место, марката има четири свои модели во овој сегмент. По Ауди Ку 5 со продадени 25.660 возила и раст од 33 проценти, следат електричните Ку 6 е-трон и Ку 4 е-трон. Потоа низата кусо ја прекинува електричниот Полстар 4, којшто исто така солиден раст од близу една третина, па следи купе-СУВ изведбата Ауди Ку 5 Спорбек со воедно најголемиот раст меѓу 10-те најпродавани (+68,7%), за трката да ја заокружи Порше Макан со 14.213 возила.
Мерцедес-Бенц ГЛЦ во јули дури и го засили водството со 45 проценти угоре и 13.602 возила, со голема предност пред БМВ Икс 3 со 7.104 возила и 4,6 проценти раст.
