Во првите девет месеци од годината, Тојота со своите две марки постигна раст од 6 проценти на европскиот пазар. Конкуренцијата може да сонува и за 75-те проценти со коишто електрифицираните возила учествуваат во продажбата во Европа.

Тојота останува втора најпродавана марка во Европа, по Фолксваген, и по броењето за девет месеци. Голем успех донесе втората генерација на кросоверот Ц-ХР, чијашто продажба напредуваше за 8 проценти во споредба со лани, благодарение на воведувањето на приклучниот хибриден погон.

Од јануари до септември, Тојота Мотор Европа продаде 912.671 возила Тојота и Лексус. Двете марки постигнаа рекорд, историски. Тојота е втора најпродавана марка во Европа, со раст од 5 проценти. Лексус го задржа насловот на најбрзо растечка премиум марка, со 17 проценти во плус.

Сите варијанти на електрифициран погон што ги нуди Тојота – од хибрид до целосно електричен погон – заедно учествуваат со 75 проценти во вкупната продажба на групацијата. Солиден напредок имаат целосно електричните возила, со 28% раст, следат приклучните хибриди со 37%, додека класичните тојота-хибриди исто така напредуваа за 9 проценти.

Уживаме силна побарувачка за целата понуда од модели со електрифициран погон, коишто сега учествуваат со 75 проценти во нашата продажба, и продолжуваме да растеме побрзо од пазарот. Нашиот пристап со повеќе видови погон, со понуда од различни технологии на електрификација, ни овозможи да одговориме позитивно на промената во побарувачката на клиентите ширум Европа.

Мет Харисон, главен корпоративен директор на Тојота Мотор Европа

Постигнувања по марки и модели

Тојота од јануари до септември продаде 848.974 возила, што е раст за 5% од лани. Најпродавана моделска серија е Јарис / Јарис Крос, следи Корола, а веднаш потоа е новата Тојота Ц-ХР. Вкупниот удел на електрифицирани возила сега изнесува 74%, односно продадени се 7 проценти повеќе возила со електрифициран погон.

Батериските електрични возила постигнале раст од 19 проценти, со вкупно 26.824 возила. Приклучните хибриди пораснале за 93% во продажбата, главно со воведувањето на Тојота Ц-ХР ПХЕВ.

Продажбата на Лексус достигна 63.697 возила или за +17% повеќе од лани. Продажбата на електрифицирани модели пораснала за 22 проценти. Продажбата на Лексус во 100% ја сочинуваат електрични и хибридни модели во Западна Европа, односно 90% на целиот европски пазар. Главни двигатели се новиот Лексус Л Б Икс, којшто е достапен како хибрид и Лексус Н Икс, којшто се продава како хибрид и приклучен хибрид.

Главните постигнувања на ТМЕ од јануари до септември 2024:

Вкупна продажба: 912,671 (+6%)
Вкупна продажба на електрифицирани: 683,409 (+11%)
Вкупно удел на електрифицирани: Западна Европа: 78% – Источна Европа*: 57% – Вкупно: 75%

Главните постигнувања на Тојота од јануари до септември 2024:

Продажба на Тојота: 848,974 (+5%)
Најпродаван имодели: Јарис Крос (155,527); Јарис (133,634); Корола (121,519); Ц-ХР (97,698); Ајго Крос (74,873); РАВ4 (76,994)
Вкупна продажба на електрифицирани: 626,049 (+7%)
Најпродавани електрифицирани: Јарис Крос Хибрид (150,535); Јарис Хибрид (119,273); Корола Хибрид (67,754); Ц-ХР Хибрид (97,689); РАВ4 Хибрид/Приклучен хибрид(74,099)
Доставпни возила на Тојота: 97,226 (-4.3%)
Удел на електрифицирани: Западна Европа: 76%, Источна Европа*: 59% – Вкупно: 74%

Главните постигнувања на Лексус од јануари до септември 2024:

Вкупна продажба на Лексус: 63,697 (+17%)
Најпродавани модели: Н Икс (18,567); Р Икс (10,257): У Икс (8,379)
Вкупна продажба на електрифицирани: 57,360 (+22%)
Најпродавани електрифицирани: Н Икс Хибрид/Плаг ин Хибрид (18,024); Л Б Икс Хибрид (16,216), У Икс Хибрид/БЕВ (8,132); Р Икс Хибрид/Плаг ин Хибрид (7,764)
Удел на електрифицирани: Западна Европа: 100%, Источна Европа*:38% – Вкупно: 90%

Продажба одделно по модели