Тесла Модел Ипсилон најпродаван модел во Европа во 2023, Дачиа Сандеро втора

Тесла Модел Ипсилон, СУВ од средна класа, е прв автомобил со целосно електричен погон што ја понесе шампионската титула во Европа, завршувајќи ја 2023 со повеќе од 254.000 продадени примероци.

Тесла Модел Ипсилон е најпродаван автомобил во Европа во 2023 година.

СУВ-моделот на американскиот производител на електрични возила е во блага предност пред најблискиот соперник, комбилимузината од градската класа Дачиа Сандеро. Тоа го покажуваат првичните бројки од консултантската компанија Датафорс,

Модел Ипсилон е пред Дачиа Сандеро, со 254.822 наспроти 235.893 продадени возила, според податоците што покриваат 97 проценти од продажбата во ЕУ, ЕФТА и ОК.

Доколку се потврди водството, Модел Ипсилон ќе одбележи неколку пресвртници:

• Прв електричен автомобил што е Бр. 1 во продажбата на годишно ниво
• Прв автомобил од средна класа што е Бр. 1 во продажбата на годишно ниво
• Прв премиум автомобил што е Бр. 1 во продажбата на годишно ниво
• Прв автомобил во поново време што е Бр. 1 во продажбата на годишно ниво и не е од европска марка

Уште во ноември се насетуваше дека Модел Ипсилон ќе ја заврши годината на првото место.

Тесла направи силен поттик за продажбата на Модел Ипсилон во почетокот на 2023 година, кога американскиот производител настапи со значително намалување на цената. Трендот продолжи и годинава.

Тесла лани профитираше и од субвенциите за службени електрични автомобили во Германија. Модел Ипсилон е најпродаван електричен автомобил во Германија во 2023 година, со околу 45.800 возила.

Успехот на Тесла влијаеше и врз зголемувањето на вкупната продукција на автомобили во Германија, затоа што Модел Ипсилон се произведува во фабриката на Тесла во близина на Берлин.

Модел Ипсилон во седум месеци лани беше најпродаван модел во Европа. Следи Сандеро со четири месеци на првото место, додека на Фолксваген Т-Рок му припадна само еден месец на првото место.

Дачиа Сандеро Степвеј со погон на автогас во нашиот онлајн-каталог АВТОСАЛОН.МК · Технички податоци, опременост, цени, можност за споредба на сите нови модели на автомобили што се во понуда на македонскиот пазар

Dacia Sandero Stepway 1.0 Eco-G 100 Essential

Т-Рок, Рено Клио и Пежо 208 се сигурни на 3-то, 4-то и 5-то место во вкупната продажба во Европа во 2023 година.

Пежо 208 беше најпродаван автомобил во Европа во 2022 година, додека втора беше Дачиа Сандеро.

Во 2021 година, водството му припадна на Фолксваген Голф, меѓутоа во 2023 година веројатно ќе се најде само на 7-то место.

Најпродавани модели во Европа по месеци во 2023

• Јануари – Дачиа Сандеро
• Февруари – Тесла Модел Ипсилон
• Март – Тесла Модел Ипсилон
• Април – Дачиа Сандеро
• Мај – Тесла Модел Ипсилон
• Јуни – Тесла Модел Ипсилон
• Јули – Фолксваген Т-Рок
• Август – Тесла Модел Ипсилон
• Септември – Тесла Модел Ипсилон
• Октомври – Дачиа Сандеро
• Ноември – Дачиа Сандеро
• Декември – Тесла Модел Ипсилон

Американскиот електромобил беше прв и во декемвриската продажба, иако во последниот месец од 2023 година продажбата му опадна за 24 проценти, на 24.394 возила.

Рено Клио беше најблиску до Тесла, со раст во продажбата од 29 проценти и 20.691 примероци.

Сандеро беше во неизвесна битка за третото место, против Фолксваген Голф, со предност од само 163 возила, според првичните податоци.

Топ 50 најпродавани модели во Европа во 2023 година