Најновиот извештај на здружението на јапонски производители на автомобили покажа дека извозот на автомобили од островската држава во првото полугодие се зголемил за 17 проценти. За шест месеци од Јапонија се извезени 2,02 милиони автомобили.
Уште поголем раст во извозот на автомобили од земјата пријави Кина. Во првите шест месеци од годината, кинеските производители на автомобили испратиле 2,34 милиони автомобили надвор од границите на земјата. Тоа е раст од дури 77 проценти во споредба со првото полугодие лани.
Вредноста на автомобилите што Кина ги извезла за половина година пораснала за 110 проценти и достигна 46,4 милијарди долари. Тоа се податоците што ги објави Царината.
Големиот подем во извозот на возила од Кина доаѓа од високата побарувачка за електрични возила од странските пазари, вклучувајќи батериски електрични автомобили и приклучни хибридни автомобили.
Кај електричните автомобили, извозот во првото полугодие пораснал за 160 проценти. Станува збор за 534.000 извезени автомобили со електричен или хибриден погон.
Chinese automaker #BYD recently marked its five millionth new energy vehicles built. The company says it’s the first global automaker to reach this milestone. #China’s auto export ranked first in the world in the first half of this year, driven by electric car sales.… Show more pic.twitter.com/WDvr3TkKWh
— Zhang Meifang (@CGMeifangZhang) August 14, 2023
Во 2022 година, со извоз на автомобили зголeмен за 54 проценти и вкупно 3,1 милиони автомобили испорачани за извозните пазари, Кина ја престигна Германија како втора најголема извозничка на автомобили во светски рамки.
