Тајванскиот добавувач ProLogium има склучено договор за развој на батерии со цврст електролит со Automotive Cells Co., којшто е заедничка инвестиција на Mercedes, Stellantis и TotalEnergies.
Европската Комисија соопшти дека издала одобрение, за Франција со државни пари во висина од 1,5 милијарда евра да им даде поддршка на ProLogium Technologies, за истражување и развој на нова генерација батерии за електрични возила.
Во соопштението се наведува дека на тој начин се помага постигнувањето на стратешките цели на Европскиот Зелен Пакт и на стратегијата за батерии на ЕУ.
Истражувањето ќе биде насочено кон батерии со цврст електролит за електрични автомобили. Со оваа технологија се кориси цврст место течен електролит, за да се добијат батерии што имаат повисока енергетска густина и побезбедни се за потрошувачите, од обичните литиум-јон батерии.
ProLogium, основана во 2006, е меѓу малкуте компании што развиваат напредна батериска технологија со цврст електролит. Таа има потпишано договор за развој на батерии со цврст електролит со Automotive Cells Co., којшто е заеднички проект на Mercedes-Benz, Stellantis и TotalEnergies.
The transformative impact of ProLogium's investment in Europe and France is substantial,
made possible by the #grant approved by the European Commission and supported by the French government!💡Read more about the projecthttps://t.co/o4gva7wcTn#ProLogium #EuropeanCommission… pic.twitter.com/05RuafSkdR
— ProLogium Technology 輝能科技 (@ProLogium) August 3, 2023
Со директниот грант во висина од 1,5 милијарда евра ќе се покријат трошоците за истражување и развој до завршетокот на 2029 година.
ProLogium ќе гради гигафабрика за батерии во северниот дел на Франција, во близина на пристаништето Данкерк.
