Французите прават голема драма околу појавувањето на новата генерација на компактниот СУВ-модел Peugeot 3008 и го имаат сето право за тоа. Предизвикот именуван #CAMOCATCH преоѓа на следното скалило.
Peugeot летово ги поттикнува сите што ќе ги видат претсериските протитипи од новата Peugeot 3008 во завршното тестирање по јавни патишта, да ги фотографираат возилата. Следниот чекор ќе биде покана за најголемите среќници да присуствуваат на првите возења на Peugeot 3008 SUV и сами да седнат зад воланот на важниот модел.
Уште еден важен детал што го откриваат од канцеларијата во Поаси е дека кај прототипите што ќе се среќаваат при тестирањето ширум Европа станува збор за електричната изведба, значи за Е-3008.
Потфатот почна во мај, кога Peugeot ја повика јавноста да избира кои маски најдобро ќе ѝ прилегаат на 3008-ката. Тоа се случи, и беа избрани:
- тема “Street Art”,
- тема “Optical Art” и
- тема “Prototype”
3 stunning camouflages, chosen by your votes, are now on new all-electric #PeugeotE3008 out on the roads around Europe. Win a chance to exclusively drive a #3008 yourself: if you see one, take a photo, publish on Facebook or Instagram with #CamoCatch, tag @Peugeot and good luck! pic.twitter.com/F8RjaTh2jP
— Linda Jackson (@LindaJackson) July 13, 2023
Во минатиот месец се печатеа и поставуваа фолиите врз прототипите на Peugeot E-3008. Следно е овие возила да се фотографираат кога ќе се забележат на улица, и фотографиите да се објават на друштвените мрежи, под обележувачот #camocatch и со тагирање @peugeot .
Оваа фаза ќе трае од 15-ти јули до 15-ти август
Маските на прототипите содржат QR код, по чиешто скенирање се пристапува до вебсајтот на проектот #CAMOCATCH.
Од пристигнатите фотографии – само една по профил – ќе е изберат 6-те победници, коишто ќе добијат покана да ја тестираат новата 3008-ка на првите тест-возења за новинарите во 2024 година.
Маската ќе биде конечно тргната во септември.
