Aston Martin објави дека автомобилскиот холдинг Geely се обврзал да вложи околу 234 милиони фунти (270 милиони евра) во британскиот производител на луксузни автомобили. Со тоа, кинеската автомобилска групација ќе стане трет најголем акционер.
Како дел од трансакцијата, Geely ќе преземе удел од 17 проценти во Aston Martin, купувајќи 42 милиони акции од конзорциумот Yew Tree на претседателот Лоренс Строл. На тоа следат уште 28 милиони нови акции, наведе Aston Martin во соопштение до берзата.
„Холдингот Geely, којшто стана акционер во минатата година, гледа огромен потенцијал за долгорочен развој и успех на Aston Martin,“ пишува Строл во соопштението.
„Тие ни нудат целосно познавање на Кина како клучен стратешки пазар за раст, како и можност да пристапиме до нивните технологии и компоненти“, дополнува Строл.
Aston Martin имаше проблем да обезбеди доволно кеш и во минатата година го привлече саудиарабискиот јавен фонд за инвестиции. Строл има план да направи пресвртница во автомобилската марка и да ја насочи кон електрични спортски возила. Аналитичарите претходно оценија дека Aston Martin е чувствителен поради малиот продажен волумен и слабата ликвидност.
Aston Martin said that China’s Geely would double its stake in the luxury carmaker to 17%, sending its shares soaring. Read more https://t.co/jzq9FrzLyT pic.twitter.com/xiED9L3y8r
— Reuters Business (@ReutersBiz) May 18, 2023
Во моментов, Yew Tree на Строл е најголем акционер во компанијата, потоа следи саудиарабискиот јавен фонд за инвестиции.
Geely поседува повеќе марки, вклучувајќи ги британската спортска марка Lotus, Zeekr, Volvo Cars и Polestar, преку заедничката компанија со Volvo.
Geely лани во септември купи 7,6 проценти удел во Aston Martin .
„Нашата одклука да го зголемиме акционерскиот удел во Aston Martin ја прикажува нашата увереност во потенцијалните за раст на компанијата, во нејзините технологии и во менаџерскиот тим,“ кажува претседателот на Geely, Ерик Ли.
