Toyota Aygo X Undercover е посебна серија на најмалечкиот модел на јапонската марка и името Undercover е мошне извесно дека нема да ги привлече тајните агенти да го изберат автомобилот, од едноставна причина што автомобилот е мошне впечатлив. Undercover се однесува на модната марка со тоа име и на нејзиниот главен дизајнер Џин Такахаши.
Од модна писта право на улица. Toyota Aygo X Undercover ќе се изработи во серија во ограничен број примероци. Посебниот модел првпат се појави на Модната Недела во Париз и привлекува внимание со дизајнот и внатре и надвор.
Aygo X Undercover е плод од соработката со дизајнерската марка „Undercover“ на Џун Такхаши. Изгледот се раководи според дизајнерскиот пристап на неконформизам и на уривањето на стереотипите. Посебноста е во комбинацијата од двете бои – сива за каросеријата и корално црвени акценти по каросеријата и црните тркала од 18 инчи. Седиштата се брендирани, исто и патосниците имаат мустра на монограм. На покривот се наоѓа мотото хаос-баланс на Такахаши.
Обележје на марката Undercover е играта со контрастите: Панк и висока мода, дигитално со аналогно. Контрасти се присутни и во соработката со Toyota. За светската промоција на моделот е осмислена единствена кампања, којашто меѓу другото предвидува и наоѓање на „Easter Eggs“. Ова е првпат модниот дизајнер да работи на автомобил.
Мошне е извесно дека Aygo X ќе доживее уште бројни серии како оваа, тоа е дел од концептот на моделот
„Сакавме Undercover уште посилно да го нагласи индивидуалниот карактер на Aygo X и со големо нетрпение чекавме да видиме како модниот јазик на Џун ќе се пренесе во процесот на развој на автомобил,“ кажува Тадао Мори, главен стилски дизајнер во Toyota Europe.
