Dacia во првиот месец од 2023 година продаде 19.346 примероци од Sandero, што е за 20 проценти повеќе во споредба со истиот месец лани.
Dacia Sandero и во овој јануари беше најпродаван модел во Европа. Во јануари минатата година, моделот на романската марка на Renault исто така се искачи на врвот на продажбата, тогаш со 16.193 примероци.
Втор најпродаван модел не е Golf, но пак е Volkswagen. Кросоверот T-Roc постигна 16.723 продажби во јануари, за 32 проценти подобро во споредба со лани.
Водечката тројка ја заокружува Toyota Yaris со продадени 14.037 примероци и со мошне убедлив раст од дури 54 проценти. Тоа се првични податоци за 93 проценти од пазарите во ЕУ, Норвешка, Швајцарија, Исланд и Велика Британија.
Dacia, VW и Toyota се воедно единствените марки што имаат по два модели во Топ 10 на најпродавани автомобили во јануари.
Уште еден Volkswagen следи на четвртото место, но тоа пак не е Golf, туку е СУВ-класичарот Tiguan. Втората Toyota во Топ 10 е секако Yaris Cross на 5-то место, а вториот модел на Dacia е Duster, којшто трката во минатиот месец ја заврши на 9-то место
Во јануари, девет од 10-те најпродавани модели постигнале раст во продажбата, според првичните резултати од агенцијата Dataforce. Единствен исклучок е Peugeot 208, чијашто продажба се намалила за 19 проценти.
Peugeot 208, најпродаваниот модел лани на европскиот пазар, ја започна 2023 година на 7-то место, зад конкурентскиот Renault Clio и зад Toyota Yaris Cross. Францускиот градски модел во 2022 година се продаде во близу 200.000 примероци ширум Европа.
Dacia Sandero исто така не заостануваше со продажбата лани и постигна 191.000 примероци, како втор најпродаван модел веднаш зад Peugeot 208.
Меѓу моделите во Топ 50 што постигнале најголем раст во продажбата се издвојуваат VW Taigo и T-Cross (соодветно со +200%, односно +35%), како и Jeep Renegade, којшто е на 46-то место, со раст од 54 проценти во споредба со лани.
Десетти најпродаван модел е Fiat Panda, едно место пред Volkswagen Golf, којшто повеќе не е единствен “голф“, затоа што електричниот Volkswagen ID.3 во јануари се продал во 3.139 примероци.
Топ 10 најпродавани модели во Европа во јануари 2023
- Dacia Sandero
- Volkswagen T-Roc
- Toyota Yaris
- Volkswagen Tiguan
- Toyota Yaris Cross
- Renault Clio
- Peugeot 208
- Opel Corsa
- Dacia Duster
- Fiat Panda
