Најголемиот нафтен концерн во Европа, Shell, во последното тромесечје оствари 11,5 милијарди долари добивка. Тоа е далеку над претходниот рекорд, што беше поставен уште во првиот квартал годинава.
Вкупно во првото полугодие, повисоките цени на нафтата и на горивата му донесоа на концернот Shell заработка од вкупно 18 милијарди долари, што е петпати повеќе во споредба со истиот период лани. Слабиот приход од трговијата со метан, Shell го надомести преку повисоки цени и повисока рафинериска маржа. На тоа се придружи и зголемената заработка од трговијата со гас и струја.
Францускиот енергетски концерн Total Energies исто така заработи повеќе во второто тромесечје, благодарение на повисоките цени и маржи. Иако концернот мора дел од заработката да префрли на руски производител на гас, добивката порасна за 158 проценти и достигна 5,7 милијарди долари. Во истиот период лани, добивката изнесуваше 2,2 милијарди долари. По пресметувањето на непредвидените издатоци, добивката во првото полугодие порасна трипати и достигна рекордна вредност од 9,8 милијарди долари.
Значително поголема добивка постигна и шпанскиот нафтен концерн Repsol, во висина од преку 2,5 милијарди евра. Шпанците во првото полугодие имаат двојно повисока добивка отколку лани. Тоа ги покрива загубите на Repsol во 2019 и 2020 година. Од Total Energies соопштуваат дека „Руската инвација врз Украина и натаму влијае врз пазарот на енергенси, со просечна цена на нафта од преку 110 долари по барел, со рекордни маржи за рафинериите, и со цени на гас што во одредени случаи се повисоки од цените на нафтата во Европа и Азија“. Концернот го зголемил производството со цел да придонесе за енергетската сигурност.
Британија уште во мај воведе специјален данок со којшто дел од прекумерната заработка на нафтените компании се префрлува во државниот буџет
Експертите очекуваат дека и гигантите Exxon Mobile, Chevron и BP во следните денови исто така ќе пријават рекордна добивка. Овие енормни суми ја вжештуваат дискусијата околу воведувањето данок на прекумерна добивка. Со тој специјален данок ќе се ограничи добивката на компаниите, коишто заработуваат повеќе благодарение на повисоките цени што се предизвикани од војната во Украина.
Oil companies swam in record profits over the last few months at a time when Americans struggled to pay for gasoline, food and other basic necessities. https://t.co/b5njRIEsDL
— The Associated Press (@AP) July 29, 2022
Британските власти уште во мај годинава воведоа таков вид специјален данок. Една четвртина од добивката на нафтените компании ќе се пренасочува во државниот буџет. Се предвидува на тој начин да се обезбедат пет милијарди фунти, што е околу шест милијарди евра, коишто ќе се користат за финансирање на социјалните потреби на граѓаните. Во Белгија и Шпанија се најавува воведување сличен данок. Владата во Мадрид планира од профитот на нафтените компании да пренасочи два милијарди евра во буџетот.
https://twitter.com/Ka__Bisay/status/1553297626233192448?s=20&t=47OlrFCkLCSHVkJYH5fMGQ
Електричните автомобили ја смалија светската потрошувачка на нафта за 3,3%
