Спортски карактер и ексклузивност во ист пакет. Така Porsche ги најавува Cayenne GTS и Cayenne GTS Coupe, кои се меѓу ретките што уште возат со осумцилиндарец.
Кога Porsche ја става ознаката GTS, тоа значи дека е ставен нагласок на спортските својства. Овојпат добиваат нагласок и осумте цилиндри. Место 3,6-литарскиот битурбо V6 од претходникот, тука повторно работи V8 од 4,0 литри, битурбо, со 460 КС (+20 КС во споредба со 3,6 V6) и 620 њутнметри. Спринтот до 100 km/h на двата модели GTS, со пакет Sport Chrono, им успева за 4,5 секунди (-0,6 s), крајната брзина изнесува 270 km/h (+8 km/h кај Coupe во споредба со 3,6 V6). Вообичаено за GTS-моделите, следат и спуштено подвозје, препознатлив изглед и збогатена опрема.
Во духот на времето и заштитата на животната средина е посветено внимание и на оптимирање на потрошувачката. Со оптимално дотеран осумстепен автоматик Tiptronic S, со приспособливо исклучување на цилиндрите, со централна положба на инјекторите и со напреден термо-менаџмент, потрошувачката според NEDC изнесува 11,4 литри на сто километри.
https://photos.app.goo.gl/TxXNpHi2gg3jXNdj7
За посебното доживување во GTS се грижи и спортскиот издув со препознатлив длабок тон. Опција е нов спортски издув со две средишно поставени цевки со овален профил – само за Cayenne GTS Coupe, а во иднина и за Cayenne Turbo Coupe, но само како дел од опционалниот спортски пакет за пониска тежина.
Дваесет милиметри пониско подвозје и спортски дотерана амортизација
Подвозјето е дотерано за Cayenne GTS да постигне спектакуларни вредности на странично забрзување. Стандардно се вградуваат спирални пружини, во комбинација со спортска работа на активната амортизација PASM и со клиренс намален за 20 милиметри. PTV Plus (Porsche Torque Vectoring Plus) исто така е стандард.
Со сериски бандажи од 21 инчи, со дизајн RS Spyder и со сопирачки дискови од 390 х 38 mm напред и 358 x 28 mm назад (и црвени сопирачки клешти), GTS вози како вистински спортски автомобил меѓу СУВ-моделите. Има две опции кај сопирачките: Porsche Surface Coated Brake (PSCB) со површина обработена со волфрам карбид или керамички сопирачки (PCCB). Уште една надградба е трикомората пневматска амортизација со -10 mm, управувана задна оска и активно спречување на страничното навалување PDCC.
https://photos.app.goo.gl/aRCJiMUWNrqthKsB7
Диодните предни светла и задната светлосна лента се затемнети. Предните отвори за воздух се во црна боја, исто како и страничните лајсни, издувните цевки на спортскиот издув и моделскиот натпис назад. Во кабината е вообичаената комбинација од материјали за GTS, со алканатара на таванот, на ексклузивните спортски седишта за моделот и на вратите, во комбинација со алуминиумски панели со четкан финиш.
https://photos.app.goo.gl/V3YFCxqyHNJCccXJ9
Porsche ќе стартува со испорака на двете моделски изведви на Cayenne GTS-Modelle во почетокот на јули. Цените во Германија почнуваат од 114.087 евра за Cayenne GTS и од 118.490 евра за Cayenne GTS Coupé.
Еротска заедница со истражување: Возачките и возачите на Porsche најзадоволни
