Кои модели се продаваа најмногу во Германија во април?

На најголемиот пазар во Европа, во април биле регистрирани 120.840 нови автомобили. Продажбата во месецот на целосно мирување поради корона-пандемијата забележа пад од 61,1% во споредба со истиот месец лани. Повеќе од половината од новите возила (58,0%) се регистрирани како службени.

Германските марки и марките што им припаѓаат на германските концерни во април имаа двоцифрени падови во продажбата, најмал кај Mini со -39,2%, најголем кај Smart со 94,1 проценти. Најмногу удел во продажбата на автомобили во земјата има Volkswagen, со 17,2 проценти.

Единствена увозна марка со зголемување на продажбата во април била Tesla со 10,4 проценти плус. Меѓу марките со најголем удел во продажбата кои не се германски, предводи Skoda со удел од 6,0 проценти, пред Seat (4,0 %) и Renault (3,9 %).

По една петина од вкупниот број на новорегистрирани возила им припаѓа на СУВ-моделите (удел од 20,3%) и на моделите од компакт класата (20,1 %). По сегменти, продажбата во април имала најголем пад кај минивановите, со -84,3 проценти. Статистиката во Германија ги опфаќа и возилата за кампување, чијашто продажба во минатиот месец се намалила за 55,2 проценти. И натаму изненадува високиот удел на овие возила, со 3,5 проценти.

Точно половина од автомобилите се бензинци, една третина се дизели, останатите се хибриди и електрични

Половината од автомобилите (49,9%, вкупно 60.295 возила) имаат бензински мотор. Дизелот продолжува ос негативниот тренд и постигнува удел од 32,1 проценти во вкупната продажба, со вкупно 38.836 нови автомобили во април. Висок удел кај останатите погонски видови ужуваат хибридните автомобили, со вкупно 16.573 возила и удел од 13,7 проценти. Од нив, 5.618 возила имаат плагин-хибриден погон (удел 4,6%). Не заостануваат многу електричните автомобили со вкупно 4.635 новорегистрирани возила и удел од 3,8 проценти. Со погон на метан се продале само 286 возила (удел 0,2%), додека автогас користат 191 или 0,2% од новорегистрираните возила во април.

Просечната емисија на СО2 се намалила за 4,9 проценти и изнесува 150,9 g/km.

Промена на сопственоста имало кај 434.684 регистрирани возила во земјата.

Во продолжение е листата на најпродавани модели во Германија во април. Високото место на Fiat Ducato се должи на тоа што фабриките за возила за кампување го користат истото како основа. Невообичаено високата позиција на одредени модели е своевидна „подготовка“ на производителите на автомобили, кои сами ги регистрираат плагин-хибиридите со ниска емисија на СО2, за на тој начин да ја доведат емисијата на стакленичкиот гас под лимитот на ЕУ и да можат да продаваат повеќе возила со обичен мотор, со повисок СО2.

Топ 50 Најпродавани модели во Германија

(во април 2020)

На македонскиот пазар во април продадени 137 нови автомобили