Toyota инвестира близу 540 милиони евра во проширувањето на услугите за превоз со повик преку мобилна апликација во Кина. Јапонскиот гигант ја продолжува соработката со водечкиот понудувач на овој вид на услуги во земјата, Didi Chuxing. За таа цел се основа заедничка компанија под името GAC Toyota Motor или кусо GTMC.
Toyota и DiDi уште во јануари ’18 ја објавија соработката во развојот на електричното концептно возило e-Palette. Малку подоцна стартуваа и услугите за превоз, вклучувајќи и лизинг на возило, како и различни услуги за самите возачи во дилерската мрежа на Toyota. Нивните возила се опремени со Toyota TransLog, систем што ги користи интелигентните анализи на софтверот на Toyota. На тој начин се постигнува квалитетно одржување и сервисирање на возилото, како и безбеден превоз за патниците.
Во рамките на новиот договор, Toyota и Didi ќе ги понудат своите услуги во многу поширок обем. Пазарот за овој вид услуги во Кина бележи голем напредок. Податоците што ги обезбедува софтверот на Toyota помагаат да се постигне оптимално раководење со возниот парк, вклучувајќи и сервисирање, осигурување на возилата и финансирање. Toyota воедно најави дека во услугите за превоз во иднина ќе учествува голем број возила со погон на струја.
https://www.youtube.com/watch?v=L4WqsKSKpGk
