Илон Маск е светски човек. Мултимилијардерот и визионер планира супербрз јавен превоз во подземни цевки, подготвува и ракети за посета на Марс. Но, шефот на Tesla има и смисла за хумор.
Цел свет ги знае ознаките на моделите од калифорнискиот производител на електрични автомобили. Прво се појави спортската лимузина со ознака Model S, потоа следеше кросоверот со крилести врати X, а последна е лимузината од средната класа, со цена од 35.000 долари и ознака Model 3. Значи, моделското семејство на Tesla може да се означи едноставно како S-X-3. Но, тоа би било различно од замислата на шефот Илон Маск, контроверзен бизнисмен и визионер, но пред сé личност со планетарна слава.
Правилниот редослед гласи S-3-X. Или уште подобро, S3X. Не е потребно многу фантазија, тоа да се дешифрира како секс. Шефот на Tesla несомнено ја имал смислено шифрата пред повеќе од десет години, уште при премиерата на прототипот на Model S.
Објава на Маск на твитер го потврди тоа што сцената долго време го коментираше: „S, 3, X on a bridge“
Приказната има уште едно поглавје. Model 3 првично требало да ја носи ознаката Model E. Меѓутоа, Ford ја има регистрирано оваа ознака. На генијалецот Маск не му требало многу време да најде решение и „Е“ да го замени со „3“. Во таканаречениот лит-спик, буквите се заменуваат со бројки.
Најдоброто секогаш следи на крај. Следниот модел на Tesla ќе ја носи ознаката … Y! Кога тоа ќе се додаде на претходната моделска тројка се добива „S3XY“. Клучната буква во моделската идеологија му припаѓа на компактниот СУВ, кој сосем веројатно ќе го здогледа светлото на денот мошне скоро.
Вака Илон Маск ја „документираше“ целата приказна:
S, 3, X on a bridge pic.twitter.com/2E57xqkTVY
— Tesla (@Tesla) July 29, 2017
Сопственици на Toyota Prius во САД се префрлуваат на Tesla
Како вози автопилотот на Tesla при снег на патот
Три месеци чекање за Tesla, година за електричен Hyundai
Што вози Америка во времето на Tesla и компанија?
