BMW ќе ја напаѓа Tesla со електричниот автомобил i4. Но, прво мора да се подготват производствените ленти во фабриката во Минхен, а тоа не е евтино.
Баварците вложуваат 200 милиони евра во производствените погони за електричниот BMW i4 во матичната фабрика во Минхен. Поради посебната архитектура, голем предизвик е автомобил со електричен погон да се интегрира во постоечки производствен систем, кој работи под полна пареа.
Од октомври, во фабриката во Минхен се произведува новата серија 3 на BMW. Од 2021 година, таму ќе стартува сериското производство на купе-лимузината со електричен погон BMW i4.
Архитектурата на електричните возила се разликува од обичните поради батеријата во подот; BMW сепак ќе ги произведува i4 и сериите 3 и 4 на иста лента
Бидејќи каросеријата на i4 се разликува поради батеријата во подот, производствените линии во Минхен мора да се модифицираат, за повеќе од 1.000 роботи во исто време да ги изработуваат каросериите на моделите од сериите 3 и 4 на BMW, а воедно и специјалните каросерии на BMW i4.
Во фабриката во близина на Олимпискиот стадион во Минхен, близу 8.000 работници изработуваат по околу 1.000 примероци дневно од сериите 3 и 4, како и двојно поголем број мотори.
https://www.facebook.com/BMWGroup/videos/616076668825806/
Хибриден BMW 330e како посебна гордост на баварците
Новиот BMW X5 стартува со продажба во Македонија
