Возачите останаа заглавени неколку часови по улиците на Сиднеј. Причината за застојот среде работен ден беше невообичаена. Австралиската полиција се обидуваше да го приведе човекот кој се качил на мостот Харбур. На полициските службеници им беа потребни пет часови да го опколи човекот и да го спушти од мостот. На снимките се забележува дека човекот во еден момент им сигнализира на полицајците да му се јават на мобилниот телефон. По вратоломниот подвиг, човекот бил однесен во болницата Сент Винсент, кадешто лекарите утврдиле психичко растројство.
Полициската акција предеизвика сообраќаен хаос во најголемиот град во Австралија. Голем број луѓе пристигнале на работа со неколкучасовно задоцнување. Локалните медиуми објавија дека човекот се искачил на мостот уште рано наутро, околу 4:30 часот. Службите во градот се извинија за сообраќајниот застој и појаснија дека освен бодликава жица не постои друга можност за спречување на пристапот на лица врз конструкцијата на мостот.
Полицијата најави дека ќе поднесе соодветни обвинувања против човекот по завршувањето на неговиот психијатриски третман.
Sydney Harbour Bridge: A man has illegally climbed the southern arch of the bridge. Some lanes closed in both directions due to the police operation. Lengthy traffic jams both sides of the bridge. Live updates on @sunriseon7. https://t.co/jKxA4LcbjG #SydneyHarbourBridge #7News pic.twitter.com/evMrLI0p36
— 7NEWS Sydney (@7NewsSydney) April 3, 2018
