Volvo е првиот производител на автомобили којшто овозможува користење на Skype for Business во своите модели. Апликацијата прво ќе биде достапна во моделите од серијата 90 и ќе може да се користи веќе од следната година. Милиони корисници се повикуваат на оваа услуга во работното секојдневие при групни аудио- и видеоконференции.
Возачот и патниците во моделите Volvo S90, V90 и XC90 ќе можат да ги гледаат започнатите состаноци и нивните учесници, како и да го потврдат своето аудио-учество со кликнување на големиот средишен дисплеј. Учество во видео-конференции или следењето на самите презентации засега не е можно.
Соработката со Microsoft опфаќа и користење на интелигентниот личен асистент Cortana, со напредно распознавање говор и текст. Skype for Business во текот на следната година ќе може да се обновува и инсталира „over the air“, односно за време на возењето, преку мобилна врска или преку домашната интернет мрежа. На тој начин се избегнува потребата од посета на сервисната работилница.
