Деветте фабрики на Toyota во седум држави денес го одбележуваат десетмилионитиот автомобил на марката произведен во Европа. Првиот „европски“ автомобил беше Corolla, во 1971 година.
Три од секои четири автомобили на Toyota што се продаваат на европскиот пазар се од локално производство. Вкупно девет фабрики произведуваат за јапонската марка на европска почва и сега го одбележуваат десетмилионитиот автомобил од европска продукција. Не е изненадување тоа што првиот „европски“ автомобил на Toyota беше Corolla. Фабриката во Португалија започна со монтажа на моделот од готови модули испорачани од Јапонија уште во 1971 година и уште е активна со производството на Land Cruiser 70, наменет за извоз за Јужна Африка.
Големосериското производство стартуваше во 1992 година во Велика Британија, со фабриката за мотори во Дисајд, а по три месеци од погоните во Бурнастон излезе и првата Carina E, којашто денес беше дел од прославата во европското седиште на Toyota во Брисел. Претставници од сите фабрики на Toyota присуствуваа на настанот, покрај новата голема надеж на марката, кросоверот C-HR. Неговото произодство ќе стартува во Турција кон крајот на годинава.
#ToyotaCHR: a powerful newcomer in the crossover market for those who want to stand out pic.twitter.com/SYR5uwl8cr
— Toyota Europe (@toyota_europe) May 2, 2016
Повеќето модели се развиени и дизајнирани исто така во Европа, вклучувајќи ги Yaris, Auris, Avensis и C-HR. Дел од европската продукција се извезува во Северна Америка и Јапонија, а планот е во следните две години локалната продукција да се зголеми за 20 проценти. Лани, Toyota произведе 660.000 возила во Европа, а продаде 810.000 возила, на што следуваат и 64.000 возила од луксузната марка Lexus.
Фабрики во целосна сопственост на Toyota:
- Toyota Motor Manufacturing United Kingdom со две фабрики, отворена во 1992, произведува Avensis, Auris со 5 врати и Auris Touring Sports, Auris со хибриден погон, мотори 1.6L и 1.8L VVT-i и модули и монтажа на хибриден погон, од втора половина на годинава и хибриден погон за Toyota C-HR.
- Toyota Motor Manufacturing Turkey, отворена во 1994, произведува Corolla и Verso models, во втора половина следува и Toyota C-HR.
- Toyota Motor Manufacturing France, отворена во 2001, произведува Yaris и Yaris Hybrid, од 2013 и Yaris за Северна Америка.
- Toyota Motor Manufacturing Poland со две фабрики, отворена во 2002, произведува 1.0-литарски бензинци за AYGO и Yaris, како и мануелни менувачи за Auris, Avensis, Verso, Corolla и AYGO, од 2005 година производство на 2.0 и 2,2 D-4D за Avensis, Auris, Verso, RAV4 и 1.4 D-4D за Yaris, Auris и Corolla.
- Toyota Motor Russia, отворена во 2007, произведува Camry, во август стартува и Toyota RAV4 за Русија, Белорусија и Казахстан.
Фабрики во партнерска сопственост на Toyota:
- Toyota Peugeot Citroën Automobile Czech во партнерство со PSA Peugeot Citroen, отворена во 2005, произведува Toyota AYGO.
- Toyota Caetano Portugal S.A., отворена како погон за монтажа во 1971, моментно произведува Toyota Land Cruiser 70 за извоз во Јужна Африка.
[FAG id=24213]
