Добавувачкиот гигант Bosch, марката Mitsubishi и јапонското претпријатие GS Yuasa заеднички ќе развиваат нова генерација на литиум јонски батерии.
Цел на развојот е преку интелигентно управување со работата на ќелиите и со напредок во електрохемијата и материјалите да се постигне значително зголемување на енергетската густина на батерите. На тој начин се намалува тежината и потребата од простор, а се зголемува досегот на возилата со погон на струја.
Покрај тоа, трите претпријатија планираат да основаат заедничко претпријатие за истражување и развој, како и меѓусебна поддршка во продажбата и маркетингот. Како седиште на претпријатието се планира Штутгарт, а почетокот на активностите е поставен за почетокот на 2014 година. Bosch ќе учествува во заедничкото претпријатие со 50 проценти, а GS Yuasa и Mitsubishi со по 25 проценти.
