Сабине Кем во интервју изјави дека состојбата на седумкратниот шампион во формула 1 се подобрува.
Михаел Шумахер здоби сериозни повреди на главата при скијање на француските алпи пред 17 месеци. Од напуштањето на Универзитетската клиника во Лозана и упатувањето на домашна нега во домот во Швајцарија немаше никакви информации за состојбата на шампионот рекордер во формула 1. Менаџерката Сабине Кем во интервју изјави: „Со задоволство можам да потврдам дека тој напредува, а тоа го кажувам особено имајќи ја на ум сериозноста на неговите повреди на главата.“ Кем во интервјуто укажа и на тоа дека заздравувањето на 46-годишниот Германец ќе трае уште долго.
Шумахер здоби сериозни повреди на черепот и мозокот при падот на 29-ти декември 2013 во Мерибел, поради што повеќе месеци се наоѓаше во вештачка кома. Од минатиот септември, Германецот заздравува во неговиот дом во швајцарскиот Гланд.
