Цела недела траеше наддавањето за 2.532 олдтајмери во Аризона. На оваа забава за богати автомобилски колекционери се завртеа рекордни 292 милиони долари.
Вложувањето во вредни олдтајмери е новото вложување во злато. Шест аукциски куќи поставија нов рекорд на најголемото наддавање во светот во американскиот Скотсдејл, Аризона, со прометот од 292,8 милиони долари за преку 2.500 олдтајмери. Во минатата година во Скотсдејл беа понудени на наддавање 2.815 возила, од коишто се продадоа 2.321 или 82 проценти од возилата. Во оваа година, се продадоа дури 86 проценти од возилата, а се зголеми и просечната цена, од 107.096 на 115.729 долари. Највисока цена достигна Ferrari 250 LM Coupé од 1964 година, којшто го промени сопственикот за 9,625 милиони долари. Вообичаено, моделите на Ferrari постигнуваат највисоки цени на наддавањата, но во последно време се зголемува вредноста и на моделите од 1980-те години. Ferrari 288 GTO од 1984 година се најде меѓу десетте најскапи автомобили во Скотсдејл, со вредност од 2,75 милиони долари, исто колку некои модели што се дваесетина години постари.
Најскапите возила на наддавањето во Скотсдејл
| Марка и модел | Година | Вредност (USD) | Аукциска куќа |
| Ferrari 250 LM Coupé | 1964 | 9.625.000 | RM Auctions |
| Ferrari 275 GTB Competizione Coupé | 1966 | 9.405.000 | Bonhams |
| Ferrari 250 GT LWB California Spyder | 1959 | 7.700.000 | Gooding & Co. |
| Shelby Cobra 427 Super Snake | 1966 | 5.115.000 | Barrett-Jackson |
| Ferrari 400 Superamerica Series I Aerodinamico Coupé | 1962 | 4.070.000 | Gooding & Co. |
| GM Futurliner Parade Of Progress Tour Bus | 1950 | 4.000.000 | Barrett-Jackson |
| Ferrari 275 GTB/4 Coupé | 1967 | 3.657.500 | RM Auctions |
| Ferrari 365 GTS/4 Daytona Spyder | 1973 | 3.300.000 | RM Auctions |
| Pontiac Bonneville Special Motorama Concept Car | 1954 | 3.300.000 | Barrett-Jackson |
| Ferrari 275 GTB/2 Longnose Coupé | 1966 | 2.750.000 | RM Auctions |
| Ferrari 288 GTO Coupé | 1984 | 2.750.000 | RM Auctions |
Каква атмосфера владееше за време на маратонското наддавање во Скотсдејл, во Аризона, можете да погледнете на видеото:
