Alcatel One Touch ќе прикаже базичен паметен телефон на CES, којшто може да работи со Android, Windows Phone или Firefox OS. Кинеската фирма го откупи и името Palm.
Кинескиот производител TCL ќе прикаже нови паметни телефони од серијата Pixi под марката Alcatel One Touch на саемот CES. Посебноста на Pixi 3 е во компатибилноста со трите оперативни системи Android, Windows Phone и Firefox OS. Alcatel уште не открива дали сопственикот ќе може самостојно да ги менува системите. Производителот во минатото собираше искуство со сите три системи. На досегашните модели Pixi беше инсталиран Android, Fire Phone користи Firefox OS, додека POP 2 е Windows Phone.
Околу хардверот засега има скромни информации. Уредите под името Pixi 3 ќе се нудат со екран со големина меѓу 3,5 и 5 инчи. Со исклучок на најмалата варијанта, сите подржуваат LTE. Исто како и другите модели на Alcatel, цената се очекува да биде мошне прифатлива. Alcatel ќе ги претстави телефоните на саемот за потрошувачка електроника CES во Лас Вегас. Цените и почетокот на продажбата уште не се откриваат.
Во блиска иднина, производителот TCL ќе нуди и паметни телефони од марката Palm. Американската фирма-ќерка на TCL неодамна ги откупи правата за марката Palm. Веќе е пуштена и интернет страница, но на неа моментно се прикажува само логото Palm. Освен името, новите модели нема да имаат многу заеднички точки со првобитните уреди Palm. Системот WebOS што го разви Palm му припаѓа на производителот на телевизори LG.
Традиционалната марка Palm има макотрпен пат зад себе. По неуспешниот нов старт со WebOS, фирмата ја презеде LG, којшто потоа ги претстави паметните телефони и таблети под својата марка. По пропаѓањето на Palm, HP го продаде оперативниот систем WebOS на LG, кадешто истиот се користи на паметните телевизори.
На 15-ти јануари, HP ќе го згасне серверот за WebOS, а со тоа и можноста за симнување на апликации или преинсталација на софтвер. Сопствениците на уреди со WebOS на WebOS Nation или на WebOS Internals ќе можат да најдат совети како да продолжат со користење на нивниот омилен Palm. Како оперативен систем за мобилни уреди, WebOS ќе продолжи да се развива под името LuneOS.
