Тие што сакаат да си набават Porsche 918 Spyder подобро нека поитаат. Од хуперспортскиот автомобил останаа само уште неколку примероци.
Porsche планира да го произведува суперавтомобилoт 918 Spyder до јули следната година, а списокот на нарачки е целосно пополнет веќе до април. Остануваат само неколку слободни примероци што ќе се произведат во последните месеци, а и за нив владее голема трка меѓу заинтересираните купувачи. Досега се испорачани само 30 примероци од 918 Spyder. Редовната цена на моделот изнесува околу 800.000 евра, но за разлика од моделите од „конфекциската“ продукција, крајната цена на 918 Spyder секогаш е повисока од таа што е наведена на хартија. Во секој случај, суперавтомобилот на Porsche е неспоредливо поевтин од ривалите McLaren P1 и Ferrari LaFerrari.
Обата конкурента исто така се веќе пред целосно распродавање. McLaren испланира продукција од 375 примероци од Р1, додека Ferrari постави лимит на 499 примероци од LaFerrari. Кај McLaren постои можност да се нарача верзија GTR, но само за клиенти што веќе поседуваат „стандарден“ P1, додека за Ferrari се шпекулира дека тестира хардкор верзија LaFerrari XX за тркачка патека.
